22-07-2011, 07:27 PM
|
#37
|
|
(*( عضو )*)
|
بيانات اضافيه [
+
]
|
|
رقم العضوية : 76
|
|
تاريخ التسجيل : May 2002
|
|
أخر زيارة : 18-11-2015 (09:47 PM)
|
|
المشاركات :
7,841 [
+
] |
|
الإقامة :
عند الكفيل
|
|
زيارات الملف الشخصي : 24273
|
|
الدولهـ
|
|
|
لوني المفضل : Khaki
|
|
 المشاركة الأصلية كتبت بواسطة نواف نايف
1- هل تستمر مع صديق اذا احتجته ماينفعك وهو قادر على ذلك ؟
2- هل تخسر وقتك مع صديق مايضحي علشانك ؟
3- هل تتطور علاقتك وتضحي مع انسان ماينظر لخدماتك على انها معروف منك
ويجب رد الاحسان بالاحسان 
لارحم ابوه وش ابابه الياكان وقت الضيق ماينفعني وش احتسيه اله لسوالف والكشته
<<<<<==== بدا يعصب
ابو نايف تبي الكلام الي عليه العلم
الرياجيل ماهم سواء .
فيه رجل يرخص حياته دونك والطرقه الي معه تبهج حجاجك وينومسك اليا عزمته ويفرح خاطرك عند الأجناب ......... لكن في التعاملات الماديه مصيبه يعني فرضاً .
هالرجل انت محتبه وسلفته 50 الف تنقلب المحبه مشاريه وقبٌل ووجهيه .
وفيه رجال تحتسيه في الأمور الماديه وافي ولا يرد لك طلب ويفزع معك حتى في الأمور الثانيه بس تتجنبه لأنه اذا حضر في مجلس ولا خاويته ودك انه مايهرج لأنه ينقدك في العرب .
وبعضهم تحزم بكيس بلاستك ولاتحزم به 
المهم ان هالأيام الصداقه راحت مغير سوالف وضحكت سن لكن اذا احتك عود بعود يبان لك المحصول .
طيب ابي اقول لك اقرب من الصديق .
احيان يكون احد ابناء عمومتك في مكان مرموق في الدوله . احتجته في معامله او تقديم لإحد ابناءك او اخونك .
يمكن يقول ما اقدر ويمكن يقول ابشر ولا يسوي شي ... تدري ليش . لأنك انت يانواف وش راس مالك وش مكانتك في المجتمع ( رجال ونعم وسبعين نعم ) لكن ماراح تقدم خدمه له فهو يخدمك بلوشي .
تكتشف بعدين انه دخل احد ابناء رجل اخر من غير قبيلتك . لماذا ؟
لأن هذا الرجل في مكان معروف وراح يقدم له خدمه اذا احتاجه بعدين . يعني الموضوع الزم لي واقطع لك .
ولا موضوع شايك ولا شي .
والحقيقه مانقدر نعمم هالموضوع على جميع الأشخاص .
ذكرتني بواحد من الجماعه يوم كنت طالب في الجامعه .
شفته جالس عند عميد القبول والتسجيل ويضحك معه والموضوع كنه ميانه بينهم . طبعاً هو طالب مثلي .
مرت الأيام ورفضوا يسجلون لي ماده بحجة انها في قسم اخر .
مريت رفيقي الي شفته هالزمان يتكلم مع العميد .
قلت يافلان انا ابى اسجل ماده والرياجيل رفضوا واباك تكلم لي العميد . قال وش العميد
قلت عميد القبول . قال والله ونا بناخيك ماعرفه .
قلت كيف ماتعرفه وانت حال دونه شهرين مدري ثلاثه جالس عنده وتضحك معه . قال الله ياخذ عقلك انت شفتني .
يبن الحلال عميد القبول مستدعيني من القسم . حقين التغذيه يطلبوني قيمة تسع دفاتر اخذتها منهم ولا سددتها . ( دفاتر التغذيه هذي ياخذونها بعض الطلاب ويتغدون ويتعشون ويفطرون في مطعم الجامعه قيمة الوجبه الظاهر ريالين ) واثر صاحبنا ثلاث سنين وهو ياكل بلاش . ههههههه
هو يقوم يفك الطاقه قال تعال ..... قال تشوف , ولياه يشر على ثمان كافتيريات مقابله للجامعه . قال والله ماعرف الا همه يفكون علي يوم مايكون معي قروش . هههههههههه
|
|
|
|