السلام عليكم ورحمة الله وبركاته

مع العذر مقدماً على قل التواجد

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يطول الكلام وشرحه وْزبدة الموضوع:=تزيد الهروج وْلاتزال الصدور وساع
تعوّذ من الشيطان ياصدري الموجوع=ترى منت بلحالك من يْقاوم الآوجاع
نعامل صحيح العقل..ونْعامل المصدوع=وبين الثنين نعيش في معمعه وصْراع
تجي زلّةٍ من عاقل وْيطمر المرموع=وفالحالتين نْعامل الناس بالآسناع
الاولى لها دبره..والاخرى تلوعك لوع=ووسيع البطان يْذعذع لْصدره الذعذاع
وانا نوب احشّم واحدٍ لأجل عين ربوع=ونوب اسفه ربوعٍ بهم واحدٍ دنّاع
واعدّي بكيفي كلمة الجاهل المقلوع=وعند اللزوم اجزيه صاعين ماهو صاع
وياصاحبي بعض الكلام السفيه يْروع=ويجيبك من اعلى قمّه اليا حضيض القاع
اقدّر واحشّم واستحي وانت شين طبوع؟=عليك العوض يالله في بذرة الزرّاع
تبا زبدة الموضوع..سكّر على الموضوع=تزيد الهروج وْلاتزال الصدور وساع

[/poem]


وسلامتكم