السلام عليكم ورحمة الله وبركاته

قصيده لتواصل معكم

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
يا ورق ياللي تجر الصوت بالنوحي =صوتك حزينٍ يجاذبني مواويله
تسجع وانا من صدوف الوقت مجروحي =جرحٍ نبت داخلي ناكل محاصيله
اساير الوقت يوم الحظ مسدوحي =ياليت لو مرةٍ ياقف على حيله
يشح في مدته من غير مصلوحي =وانا صدوقٍ معه واطلب مواصيله
في زحمة الصمت انادي له ولا يوحي =نوض المشاعر حبيسه في مخاييله
يعيش صمته ويكتم نبرت البوحي =وازيد بالهم مع كثرت تهاويله
يصفى مع الغير يوم الدرب مفتوحي =معاد يرحم وطحنا في محابيله
الحظ قاسي وعني صار منزوحي =عشنا وذقنا صدوده مع غرابيله
يا ورق ياللي طموحك غصن فالدوحي =شبيت في خافقي باقي قناديله
[/poem]

محمد مرزوق السميري

((سبحان الله وبحمده سبحان الله العظيم))