صندوق الوارد
[poem=font="Traditional Arabic,6,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
يابن سعيد لد عينك جاي وامعن بالنظر=العلم قرضة ملح والميسم وصل ذيل البعير
اثر الأثر مايختفي للي يقصون الأثر=بانت سعاد وجرها للمشنقه سلك الحرير
وام الكباير مايفيد ابها التجاهل والحذر=و لا تميز فالبشير و لا تميز فالنذير
مجنونة تمشي مع العالم على بطن وظهر=واللي مصاحبها موافقها ولا عنده ضمير
والزير سالم مايهاب ولا عليه من الخطر=تكبر وتصغر فعيونه لو يصير اللي يصير
والسالفه ماهي كذا .. السالفه ادهى وامر=وش حد ابو ليلى يسل السيف للخصم الحقير
الأرض ضاقت والفضا ..ياقهوجي .. واحد حجر=وانته يامطلق دوك يانعم المرافق والشوير
[/poem]
مطر العازمي
الرسائل المرسله
[poem=font="Traditional Arabic,6,darkred,bold,normal" bkcolor="transparent" bkimage="" border="none,4,gray" type=2 line=0 align=center use=sp num="0,black""]
ماطال من شي سمج والعلم عندك يامطر=وأنابعد عندي من اللي عندك الشي الكثير
العام علمتك عن المحراف والنورالحمر=واليوم تشرح لي عن الأحداث فالوضع الأخير
كم إلك لامهزوم فالغزوه ولاأنت بمنتصر=لوكنت رأس الحربه اللي في حكايه شكسبير
إحفر لها قبرن يهول الروح في صم الصخر=وإردم عليه من الحصى وإسحب عليه من الحظير
وليا قظيت وسارت أقدامك وجاوزت القبر=لاتحسب إنك في سعة خاطر وفي فسحه وخير
تقّرب الميسم وعرج به على ظو الجمر=وإكو الفؤاد وكرر الكيه على الظلع القصير
وإرفع يدينك بالدعا المأثور مع نور الفجر=وأعزف عن الخط السريع اللي يقودك للمسير
ظريبة التفكير نقطة دم في ثوب الفكر=وتصويرالأيام الأخيره مايبشرنا بخير [/poem]مطلق بن عبيان
|