وليد العمودي

+
عمر اللهيميد:
الا ياوليد العرس قرب وشوف البوك
مفلس وشوف الجيب ياصاحبي فاضي
تبارك خويك والخوي قال لك مبروك
على كل حالن يالعمودي أنا راضي
وليد العمودي:
أذا كنت راضي فالرضا ماعليه صكوك
ولاظنتي تبغى محامي ولا قاضي
وأذا كنت تسمع مني النصح وأنااخوك
تمهل وعش دنياك ياصاح متقاضي
عمر:
رضيت وزماني مارضى والبخت مملوك
لقيته ينبش بالسعاده مع اغراضي
ياكثر التمهل والعرب مابها مشروك
وعسى الله يعز النفس ياوقتنا الماضي
وليد:
بعض ناس لوشافت عليك الفقرخلوك
واناأقول خلك صابرالحال ورياضي
فلا كل دربن بالوسيعه قبل مسلوك
ولا كل ضون لاح وسط السما ناضي
عمر:
يزيد العنا والهم والشوك حدره شوك
وهذا زمان البيسريه والامراضي
انا شفتلي في صدر دنياي كم صعلوك
ولكن قرضته قبل يطلع بمقراضي
وليد :
عسى الله يرحم من على المرجله ربوك
تقول الصحيح اللي عليه الشجن هاضي
سلوك الأوادم تالي الوقت غير سلوك
عليهم قصص واجد طويلات واعراضي