السلام عليكم ورحمه الله وبركاته
قصيده متواضعه لتواصل من جديدي
ياهنيّك ياقمر بالليـــل تسهر دون ضيقه
يوم انا قلبي يعاني من حبيب ٍ مستحله
ياقمر عال السما نورك على كل الخليقه
الله اللي ثبّتك سبحـان رب الكون كله
ماتشيل امن الهموم وبان في نورك بريقه
شامخ ٍ بين النجوم الشامخات اللي مطله
داخلي هم المواجع لـو تشيله ماتطيقه
سبّت اللي في بعاده شال قلبي من محله
مابقى غير الظلوع الحدب واجروح ٍٍ عميقه
طار قلبي يــم غـــــرو ٍ والله انّا مانمله
من بعاده كن في صدري لواهيب الحريقه
صاحب ٍ غالي وفيه امن الحلا طبع وجبله
حاسب ٍ وقت المفارق بالثواني والدقيقه
بيننا ود المحبّـــه والخواطر مسفهله
المشاعر صوب خلي صادقات ٍ له طليقه
طاويه كل المسافه يــم معشوق ٍ تدله
الهوى صعب ٍ وصوفه مانقول الا الحقيقه
من قديم الوقت مايرحم وثابت بالادلّه
محمد مرزوق السميري