مايقبل الذلـه ولا الهـون رجـال=وشلـون بالثنتيـن حنـا رضينـا
تعلمـت هاماتنـا كـيـف الأذلال=واستسلمت للـذل حتـى انتهينـا
غنوا لنا احفـاد الخنازيـر مـوال=وجينا لهـم مـن ذلنـا وارتمينـا
صرنا حثالة قـوم مانشغـل البـال=سنيـن نسقـى ذلنـا ماصحينـا
يمـوت ميتنـا ولا همنـا الحـال=حتى البكـا فـي موتتـه مابكينـا
تقرا قصص ارجال وابطال وافعـال=ونلقا العجب في كـل شـيٍ قرينـا
معقول حنا من صناديـد وابطـال=والا روايـاتٍ رواهــا حديـنـا
والا الكرامة بس في ذيك الأجيـال=وحنا على غيـر الكرامـة ربينـا
المسجد الأقصى يبي حرب واقتـال=يبـا رجــالٍ للهدف صامليـنـا
صح لسانك ياسعود لاهنت
|