ياللي تقول فلان في كل الاحوال
دايم وراء سجات فكره مفهي
مالك من المزلوه لو ربع مثقال
والله ماحب البهرجه والتبهي
عقد او حوالي عقد وانا بهالحال
مغير اسالي خاطري بالتلهي
ياخذني التفكير لرسوم واطلال
كانت منول بالطبيعه تشهي
معالمن يطربلها ضايق البال
وجواً عن الجو الصناعي يسهي
يوم انها كانت للحباب مدهال
قدام لا تصبح خلياً تقهي
شهبن مراعيها شواها اشهب اللال
يحزن تناغق بومها والملهي
لعل يسقيها من الغيث همال
نواً يلازمها شهر مايجهي
لين النبات انواع واللوان واشكال
تلقاه في كل المواقع مزهي
حتى ليا سيرتها تنعش الحال
والهاجس اللي بذ قلبي ينهي
دنياً مشاغلها عريضات وطوال
تخلف رموع اللي عليها مرهي
والله لنقضي ماقضت كل الاشغال
في ساعتن من سرعها ماتلهي
صح لسانك يابو محمد
يا حيك وحي قصيدك
اللي كله عذ وبه