|
حقائق الواقع : من ليلة مآقبل البارحة.
مشاركة في حفل الشاعر/فهدبن نعيم بمناسبة زواج أخية
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
قريحة الشاعر قديحة وصوّان=والماقف الغصّاب يظهر حصيلة
والشاعر اللي مايجمّل هل الشآن=مخدوم في نقل الحمول الثقيلة
يخلي الدّرب لطويلين الأيمان =والغاية أبلغ من دنو الوسيلة
يامرحبا,مليون من قلب ولسان=(بإسمي وإسم راع الحفل والقبيلة)
آمون وآرحّب قدر لأبو ريّان=في ليلةٍ تسوى80ليلة
بوجودكم عمّ الفرح والحفل زان=وماجوبكم حسب السلوم الأصيلة:
وقور حيل وعودٍ أرزق وقعدان=والكيف داير زعفرانه وهيله
معزّة وقدر ومحبة وصفطان=وسلمٍ ينومس روسنا وتنتمي لة
سلمٍ لنا من الجد الأول ولاهآن=من يحفظ عن الصاملين الصميلة
تاريخنا مجدٍ للأمجاد عنوان=نزيد به قدر ومقام وفضيلة
بالمختصر عتبان. وإن قلت عتبان=مانعترف بالحاجة المستحيلة
وقت الجهل نرعى الخطر سر وإعلان=وعند العطاء نعط العطايا الجزيله
وحقايق الواقع ماتحتاج برهان=تقنع عميل المعرفة من عميلة
قدمت منها ماتهيّا وما كان=قد المقام..وكل شي بدليلة
وعلى ماقالوا زايد الهرج نقصان=والهرج يكفي عن كثيرة قليلة[/poem]
مطلق بن عبيّان
|