دعى الداعي ومن باب الحميه جيت للعنوان=تجمعنا على المعروف والناموس والطيبه
لفيت وجيت انا وعمي محمد مكرم الضيفان=ابومناحي واذا جاء واجبن ملزوم يوفيبه
سلام الله على اللي حاضرن في حفلة العتبان=سلام الله على ربعي سلام الله على عتيبه
دعانا مانع وقلنا لزوم انصخر القيفان=وكل بيتن لقطمان المحازم لازم ابديبه
عوايد فيك ياشيخ القبيله وانت عز وشان=ولك قدر ومكان وانت راس ومنزل وهيبه
هنا تعرف وش الواجب علينا كيف حنا اخوان=وكيف اليا بغينا المركز الاول لناا نجيبه
تجمل مطلق المواط ومجمل وفوزه بان=واذا مافاز اصلن الاول دوم ترتيبه
تقدم للمداحم وارتكا في ساحة الميدان=وجاب المركز الاول بلا شكن ولاريبه
بوضحن لونها لون البرد عن غيرها شتان=مواطيها تزين كل قفرن فيه تمشيبه
واذا شفت المجاهيم وبغيت اميز الالوان=وتفرق بالسواد وليلهن ماظن تسريبه
سوادن كاحلن منوة عنودن تدعج الأعيان=على ماتكحل العين بسوادن به تماريبه
مجاهيمن نوادر في ثمنها وللزيان اثمان =مع حمود الهليل ياعسى الرحمن يبطيبه
واباابارك للدكتور الشعر ومهندس القيفان =حمد في فوزه وفوز الجميع وفرحة عتيبه
صح لسانك يا مناحي
وبيض الله وجهك ووجيه
الآد عاصم . قول على فعل
اشهد با لله انكم تنومسون