[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black""]
الليل الاسود والنجوم المرقبه بي تستبيح=ذبحي على حلم الزمان اللي تخاطفه الهموم
ماعاد باقي في شرايين الهوا دمً يسيح=والهم يسرف بالحشى حزت مطاليع النجوم
ليت الصباح بنجمة الليل الشقاوي يستضيح=واطويك ياليل العنا واصبر على لفح السموم
الي معك ياليل حلمًًً عكر الصبح المليح=لاقام ياردبي على حوض الحسايف كل يوم
نتعب ونبذل فالحياه ولا يصح الاالصحيح=رزقي ورزق عباد خلق الله فالوقت محسوم
شاعر واميز واعرف المخراج ولساني فصيح=وعيني على اللي دونه الحيتان والموج اللطوم
لاكن حمل الباخره امسى على الشاطي طريح=واصبح مدامع عين قايدها على خده وسوم
دارت بنا شهب السنين وصد بالبحار ريح=ثم انقطع حبل التواصل والعوافي ماتدوم
كل المثايل واضحه اقدم وخلك مستريح=افضل وسيله للدفاع اضرب على خط الهجوم[/poem]