[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
بـيــن زود المـحـبـه واغـتــراب الـقـلـوب=يـكــبــر الــشـــوق والارواح عـــــزَّا لــهـــا
قـلـب يــم الشـمـال وقـلـب يــم الجـنـوب=والــعــلاقـــه تـــقــــوَّى والــســعـــد فــالــهـــا
ماتحـول المسافـه لــو تـطـول الــدروب=والـهويَّه لـــهــــا حــــــــلَّال بــحــوالــهــا
حالـف انـي لحبـه لـيـن روحــي تــذوب=ذايــــــب الــــــروح ابــاصــبــه بـفـنـجـالـهــا
جـعـل تـفـداه دنـيــاً مـابـهـا الا الـذنــوب=وجــعــل تــفــداه ديــــره مــاوطـــا جـالــهــا
من غيابه وقلبـي والشعـر فـي حـروب=قـافـيــه مــــا تـغــنــي قــلـــب غــنَّـــا لــهـــا
صار وجه القصايد من تعبها شحوب=تِبْـكِـي المنـشـد الـلـي بـالـحـزن شـالـهـا
وجـد مـاجـد عليـهـا مــعْ دنــوَّ الـغـروب=وجد من عقدة امره بِيْد حلَّالها[/poem]
|