0
[poem=font="Simplified Arabic,6,black,bold,normal" bkcolor="transparent" bkimage="backgrounds/18.gif" border="double,4,gray" type=2 line=0 align=center use=ex num="0,black""]
من يشوف الحق ويخلُيه فاجر=وراعي الباطل بطول ولافلجنا
ومن بدين الله وميثاقه يتاجر=خاين لعهد الله وملعون مجنا
مدخل ٍ جعله لمن يوحيه زاجر=وحجة ٍ في يوم ماتنفع حججنا
الربيع الي من الطايف لساجر=لو يحجُينا حجاويه انحرجنا
وين راح الغيث ياشمس الهواجر=مرُنا في العمر مرُه ثم سهجنا
ودُنا من داخل انفسنا نهاجر=بس يبدولي مع الوقت اندمجنا
ماورى باب الامل غير الدياجر=ولاورى صوت الصفير الا همجنا
ولا على عراض المتون الا الطناجر=كل يوم اتطق لين انا مرجنا
ولُ ياقرب القلوب من الحناجر=لين صرنا اضحوكة القوم وسمجنا
حاجة ٍ بقلوبنا مثل الخناجر=وكل ٍ بصدره لو انا ماهرجنا
الضعوف دموعها تملا المحاجر=من عمانا يوم يضحك من عرجنا
انما الصابر على صبره مواجر=ولاتضيق وعند مولانا فرجنا
[/poem]
الله
رااائع جدا يا تركي
صح قلبك
-
|