ان متّ وانا حي مااظني ابكيك
فقدت قربك وانت حي وبكيتك
ليته زعل والله لـ/اصالحك وارضيك
لكن كلك فاقدك مالقيتك
الهم يخنقني وروحي تناديك
فديتني؟ لا بالله الا فديتك
ياليتني ماقلت هذي وهذيك
وانته بعد ليتك وليتك وليتك
ياوقت حالك حال والمشكله فيك
بليتني وانا بحالي بليتك
ضيّقت صدري وازعجتني طورايك
واسهرت عيني واهتنيت بمبيتك
هذي هي ايامك ياوقت ولياليك
لكن لغير الله انا مااشتكيتك
|