السلام عليكم ورحمة الله وبركاته اسعد الله صباحكم بكل خير
امل ان تحوز على رضاكم




البارحه صومتني هجر وفطرت
على الفراق اللي كواني حنينه
حتى العذر في غيبتك ماتعذرت
رحلت في صمت وغموض وسكينه
وطويت صفحات الغرام وتنكرت
وشديت للفرقا شراع السفينه
وهبت ارياح افراق الاحباب وبحرت
تلعبك امواج الرضا والغبينه
اكذب عليك ان قلتلك ماتاثرت
من غيبتك ضاقت علي المدينه
وش غيرك وانت اطهر انسان عاشرت
وين الوفا اللي مقسملي يمينه
يحن خفاق العنا لاتذكرت
وقتن تراودني خفايا سنينه
يا وقت غيرت البشر ماتغيرت
ماباقي الا الذكريات الدفينه
كم ليله مع بوح الاشواق سامرت
نور القمر مدري محيا جبينه
حتى النجوم الساريه يوم ناظرت
غابت وليل اهل الهوامبتدينه
ياليل باانسام التباشير عطرت
وصل الغلا اللي كان بيني وبينه