مساء / صباح
الخيرات

متواضعه كُتبت لِترى النور



يسوقني في بحـر حُبك شراعي
... وأنظـر لشاطي فرحتي و المواني

أنتي قريـبه وألا أنـا في ضياعي ؟
... يافرحةٍ مآ ذقتهآ في زماني


غبتي .. وزآدت لوعتك و إلتياعي
.. يمكن لأن الوقت منك خذاني !

وجيت أكسر الوقت وعليك إندفاعي
.. تشتالني يمك عروق المحاني

حطي بقآيــا لوعتك في ذرآعي !
.. أنا عشآن أشيلها جيت ... عاني

جرحٍ تجدد في محطة / وداعي
.. لآ تلحقينه يا (. . .) جرح ثاني

في غيبتك مآ لـ للحزن فيك دآعي
.. أنا عليّ أحزنّ بدالك و أعاني

صرخة حنينك~ صوتها فـ إستماعي
.. أسمع صداها في جميع الأغاني

عليك جنّ الشوق بـ إحساس وآعي
.. وذكرآك في كُل الصور والمباني

جيتك ضمآ .. كلّي شقآ وإرتياعي
.. دلّـي على مـيّ الغرآم السوآني !

أسقي خفوقي من غرامك ورآعي
... أنتي أمل عمرٍ مع الوقت فاني !

جيتك بـ أماني كُل الأحباب.. ساعي
... ورحتي وراحت معك كُل الأماني


علي بن معلي السلمي

ما يهتني لي بال ياكود في نجد
لو إنها ما هي بديرة ربوعي
.
.
.

_msamer@