,




مدري اقّلب ذكرياتج يا غدير
والا أقلّب بالحنايا ضيقتي !

الصمت يخْنقني / وانا ماني : بخير
طوتْني الغربه / وماتت سيرتي !

اجامل ايامي على امل تسير
وانسا تواريخ السنين / وديرتي

على امل احلامي الحلوه تطير
تطير وتوقّع / وتبقآ حيرتي !

على امل قلبٍ بحبه لي كبير
وما تكبر الا جروح تعلن خيبتي

الي متى والقلب لـ احزاني أسير
وسط المواجع / رحت أدوّر خيرتي !

يالله من الحظ الردي بك أستجير
لا تكسر احلام العمر تنهيدتي



,

💔