الدوله الاولى فخر واعتزازي
جذورها بعماق الامجاد ممدود

قامت على اللي فالمهمات فازي
منها بدينا بدولة العز والجود

محمد ابن سعود بالحكم حازي
مؤسس الدوله وبالفعل مشهود

وسعى لوحدتها بعيد المغازي
عبد العزيز اللي على فعله شهود

يوم التاسيس اللي مامثله موازي
ثلاثة اقرون ٍ بها المجد معقود

فرحه وحنا ننتهزها انتهازي
في كل عام وفرحته دايم تعود

حنا لها واهل النفوس العزازي
حنا حماة الدار عن حده نذود

عدونا يجيه منا اهتزازي
وقت الملاقا فالميادين مضهود

تاريخنا مبني على ارض ٍ عزازي
ساس ٍقوي ثابت واثبت من الطود

حب الوطن مشهود له بامتيازي
وحبه بوسط اقلوبنا ماله احدود
محمد مرزوق السميري

((سبحان الله وبحمده سبحان الله العظيم))