المشاركة الأصلية كتبت بواسطة
كاتب الرسالة الأصلية كلاش
السلام السامي للغالين ورحمة الله وبركاته
اتمنى القبول من قلوبكم من جديد
والسموحه
و
[poet font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
في طريقي للغياب اللي تهيا لي زمامه = عن دروب العشق والعشاق وجروحه وغيه
الهوى عارضني وقدم سلامه واحترامه = وسط حيره عارمه وقفت رديت التحيه
رغم شدة قسوته في ما مضى لي بس دامه = جايني عاني وانا من شيمتي "يالله حيه"
مايضر اذني سماعه خابرٍ مغزى كلامه = (يايزيد الطين بلّه يا يطينها بليه)
قال ملسون الهوى والياس في وجهي علامه = وش تقول ان قلت جاب الحب لك احلى هديه
قلت اقول ايات حب تقول يالله السلامه = حب عصر العولمه ولا العصور الجاهليه
قال حب النجمه اللي دونها حالت غمامه = الغمامه ذابت مع الريح والنجمه فتيه
قالها هو قالها وانصاه واذب العمامه = والقط احضانه شويه والقط انفاسي شويه
ليل ياليل الهواوي ياغرامه ياعرامه = ردها ليل الهواوي ياهنيه ياهنيه
واتحرى المشهد اللي دون تفكيري وامامه = مشهد السلم الحقيقي والحياه الواقعيه
الهواوي غصن اخضر والهواويه حمامه = والحمايم والغصون يشكلون اكبر قضيه
اجتماع اثنينهم يعني هناء الحب وسلامه = وافتراق اثنينهم يعني هنا الحب الضحيه
واقبلت فتنه فداها الروح والجسم وعظامه = كنها مزنة حيا سمت على الجرد الضميه
شرفت تشريفة الحاكم على عرش الزعامه = وامنت تأمينة الراعي على حال الرعيه
وامتطت صهوة خفوقي واجذبت يدها خطامه = واركضت به عن غرابيل الزمان الاوليه
حالمه ومسالمه وعلومها طيب وقرامه = واثقه وموافقه لأسلوب ليلى العامريه
كيّفه ورويّفه وخفيفة ظل وهمامه = طيبه وحبيبه ودروبها خضر ونديه
ناعمه ومناغمه للقلب وتحالي نظامه = هاديه ومعاديه لهروج حمّال الاسيه
والقمر فرقه عن اللي تشبهه ليلة تمامه = انها دايم تشع النور ولها جاذبيه
والصبايا سيدات الحسن ربات الوسامه = مالهن عقب اخر العنقود عندي قابليه
كل مكنوز الجمال اللي خذنه راح شامه = فوق خد الناهيه فالحسن والذمه بريه
واهمست لي قالت انت الشعر قلت:الشعر هامه = وانتي التاج المرصع فوقها"جعلك قويه"
مايجاري وصفك الاّ من يبي يعلن فطامه = غير شاعرك الحميم (مع احترامي للبقيه)
ياقصيدي لاعدمتك فتنة القلب وهيامه = اخت روحي وام بوحي لاتروح الاّ رضيه
انتبه منها تضيق ان ضاقت تقوم القيامه = وسط جوفي كان ماودعت قبل اقول شيه
فلّها عشق وغرام وقل لها حب وكرامه = وارحم اعصابي علشاني ترى ماعاد فيه
كل مافرّع هوى عن وجنته وارخى لثامه = دون سابق علم بيّن مات "مجهول الهويه"
غن واطمع من ثغرها بالرضا والابتسامه = ليت تاتيك ابتسامه...وابتسامتها شويه!!
غن لين الليل الاول يسرق الثاني ظلامه = ثم روح في سبيلك ... واترك الباقي عليه
[/poet]
وسلامة قلوبكم
[ALIGN=CENTER]الله الله ...
رائع ياكلاش ...
هنا نتذوق الشعر الحقيقي ..
صح لسانك مليون ولاهنت ...
لاعاد تبطي ...
تقبل تحياتي
مطلق بن شويه[/ALIGN]