منتديات المرقاب الأدبية - عرض مشاركة واحدة - ناقدين الشعر والمعانى - -

#1 10-09-2002, 12:09 AM

قصيده ابت الا ان تعانق اسماعكم ... املا ان يكون في خفة ابياتها ما يستميحكم عذرا عن كثرة عددها .. كلى امل ان تحوز على اعجابكم :

[poet font="Simplified Arabic,4,darkblue,normal,normal" bkcolor="white" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
الله ايسهلك يا مطلوبي=يوم بعض الناس دوبه دوبي
واحدن لو راسه ايطول السما=ما هو اموكل يحسب ذنوبي
امتقلب له مزاج ن كيفه=مر برد ومرة ن شبوبي
واقف ن لي بالعداوه والعنا=العنا عداوة الرعبوبي
ظبي ريم ن للعداوه معلن=حطنى زاد له ومشروبي
ما يلوق لمثله الا الوقفه=فى الفياض وشربة الهبوبي
ولا يلوق لمثله الا السجه=في دعوب الوادي المعشوبي
ولايلوق لمثله الا السنحه=في قصيد الشاعر الجنوبي
كل خلق الله حواهم سحره=غرهم زينه وهو كركوبي
كركب الله قذلة ن له شقرا=والضمير المترف المنهوبي
وجيده اللي يوم نصه واغضى=بالنواعس جفنها يروبي
وفوحته بالمسك مع ذبالة=مزهر المتبسم الرضوبي
كل زينه مايعادل عبره=عبرة ن في ضامر ن مصيوبي
ودى المخلاص منه ولا حصل=لاصملت اعود له مجلوبي
احسدونى فيه !! يا حسادي:=ابتلش بالنوبه ابن النوبي
ساكن ن بيت الزجاج ابلشنى=بذ نى يرمي على الطوبي
راكب ن راسه يتمم سجني=سجنة العباسي الشعوبي
كان له دين ن على اديته=وان ظهر لي ذنب منه اتوبي
بيني وبينه مراسيل النقا=تشهد اني ماني بمطلوبي
ازعله رايي وانا اللي حالف=في المواقف ما اتغشى ثوبي
كيف اصد عن الظليمه؟ ما اقدر=ابرز لرد الخطا باسلوبي
عادتن لى ما تنازل عنها=للنجوم امدها ما احوبي
مايحوبى كود من حليبه=فوق خشمه ماهو بمحلوبي
بيني وبينه يصول الحاسد=صولة اللي ما هو بمقضوبي
حاسدن لي ضايع ن تقديره=راح يحسدني وانا المعطوبي
قام يحسدني على كثر الشقا=في مخاوى المايل النبنوبي
كان حاسدني ذعاذيع الهوا=ليت ذعذع شرق ما هو صوبي
وكان حاسدني احاسيس مضت=ليت يعرف عقب وش سووبي
وكان حاسدني قصيدٍ قلته=لو ما اعرف الشعر ما عدوبي
ماني بشاعر اذا ان الشاعر=ياخذه عن قصده المسحوبي
ولانى بشاعر اذا لي بيت ن=مايجى من منبعه مسكوبي
ناقدين الشعر والمعانى=دوروا هل شابها لغوبي
اقفرت من كل عيب وكنها=مقفر ن من ساكنه ملحوبي

داهم العصيمي
[/poet]