من اخر الانتاج قررت ان تصافح المرقاب اولا ولكم النظر


عسى ان تحوز على لو جزء من رضاكم





ياثاير الموج لاتكسر مجاديفي

.....................هذا انت قارب نجاتي وانت مجدافه

عني تخلّيت وانت اغلا مواليفي

......................بيني وبينك حدود الهجر شفافه

تدري لوانته على مانشتهي وكيفي

......................مايشتك القلب بردك وانته الحافه

مامر بين الرموش الفاتره طيفي

.......................يامن تصافح عيوني جملة اطيافه

قلّي ترى البردقابل فالمساء صيفي

........................ربيعنا لويجي ضيّعت انا اوصافه

قل للوله لاوصل بابك هلابضيفي


.........................والا تعذر وقول ان الثرى ضافه.

طوّفت لك كم خطأ ياكثر تطويفي

..........................واليوم صبري هزيل وصدك احتافه

ياملتهي لو تثمّن بعض تشريفي

........................... ماينّزف الجرح مني وانته اسعافه

عزايه انّي وفيّ لوطال تكليفي

.............................واللي سواتي يموت ولا قضى اهدافه




وسلامتكم

أحبك كثر ماكتب شطر وانسى شطر وأمحى شطر
تخيّل ساعتين ولاطلع لي بيت ابختاره
لاأنك أعذب من الحرف وأعظم شان واكبرقدر
لذالك ذابت أحروف القصيد وقل مقداره