أيها الاحبه هنا في المرقاب

مرقاب الشموخ والإبداع ..

ابدا معكم في قصيدة قد لاتصلح كابدايه

ولكن تلبيةٍ لطلب الاخ العزيز / عبد الله موسى

أجّلت قصيدة البدايه الى مابعد هذه القصيدة ..

الاهداء الى / مسلط لافي الحربي

[/poet][poet font="Simplified Arabic,5,green,normal,normal" bkcolor="transparent" bkimage="backgrounds/13.gif" border="solid,4,green" type=2 line=200% align=center use=ex length=0 char="" num="0,black" filter=""]
حزام الظهر

ياراكب اللي مافي فخامته هرجه=وعلى جبينه رموز لدولة انتاجه
جيبٍ ركونه قدم.. واخلاف مدرجه=يطوي سراميد جرد البيد منهاجه
ودك تغني ليامنه عطا الفرجه=(يامل قلبٍ يسج وفيه دولاجه)
الوقت دوّار والايام مندرجه=كم طيبٍ حوّله من عالي ابراجه
لياقام وقتك يقلط عوره..وعرجه=وازريت تصبر على عوجاه..وزعاجه
أمتس حبل اللزوم وقلة الخرجه=ودورّ رفيق الرخا حجه لمخراجه
نصه حزام الظهر بالساعه الحرجه=اللي للأصحاب دايم يضحك حجاجه
على يديه اعتبر كربتك منفرجه=مثل الدوا اللي (يدس) لحزة الحاجه
تجيه مشدوده اعصابك ومنحرجه=وتروح من عنده اعصابك بثلاجه
وان قيل بالله من ؟ قل مابها هرجه=مسلط..ليامن كلٍ عد ماواجه

لافي حود الغيداني
[/poet]
مجاراه او بعنى اصح هدية ثمينه كما اراها
من الشاعر الكبير والغني عن التعريف/ غازي ابن عون[poet font="Simplified Arabic,5,green,normal,normal" bkcolor="transparent" bkimage="backgrounds/13.gif" border="solid,4,green" type=2 line=200% align=center use=ex length=0 char="" num="0,black" filter=""]
مجاراه

الشعر باربوع دخنه نورّت سرجه=وطرى على ابن لعبونه..ومجماجه
لافي من المعدن الصافي سبك جرجه=واجاد بالشعر مدخاله ومخراجه
على المثاليه المعروفه الزرجه=أبدع بسبكٍ وحبك وزين ديباجه
هاواه ومع اوسع ابوابه دخل برجه=وبصف سرج البلاغه نورّ سراجه
ماهوب شعرٍ حديثٍ مايلٍ سرجه=قشرٍٍ دروبه عن الاسناع منعاجه
أهل الحداثه بعضهم نافضٍ خرجه=وباب الشعر مايعرف رموز مزلاجه
والشعر إله مكمنٍ ماينفتح درجه=الا مع اللي يعرف يزاوج ازواجه
وجمهورهم مدفعٍ يكبس بلا درجه=فيهم مرض شبهةٍ مايعرف اعلاجه
حط الذكيه سو ى بالحكم..والحرجه=ويقارن الجعد ابن درهم بابن ماجه
ولافي من اللي تروي الرمح ابو زرجه=تنطح محيط الخطر لاهاجت امواجه
ربعٍ لياصار عند اقطيهن حرجه=في طيب الافعال للضيقات فراجه

غازي ابن عون
[/poet]