المشاركة الأصلية كتبت بواسطة
كاتب الرسالة الأصلية عبدالرزاق الذيابي
صباح الخير للجميع ومساءُكُم اجمل بإذن الله
[poet font="Simplified Arabic,4,white,normal,normal" bkcolor="transparent" bkimage="backgrounds/70.gif" border="outset,4,gray" type=2 line=200% align=center use=ex length=0 char="" num="0,black" filter=""]
بعد مامسّيت بالخير للحلم الكبير!=إستوى عندي قديم الليالي والجداد
باقي احلامي! عصافير ماعادت تطير=تنكسر جنحانها عندهقوات البعاد
آه ياقصر الليالي وياطول المسير=وياكثر زرع الايادي وياقلّ الحصاد
كنت مُدرك في زماني وغاوي عَن كثير=مع تمام المعرفه بالبياض وبالسواد
كنت افكّر في جهنّم واناجي زمهرير=عين تسهر من عناها والاخرى في سُهاد
كنت الاعب ريحة التبغ عَن شَمّ العَبير!=والجهل لازدت في العمر! طاوعني وزاد
كنت اهاوي كل عذرا تلَبَّس للحرير=وتختفي ليلى من البال لابانت سُعاد
كنت انا في كُل وادي لعشّاقي سَمير=وابدي اسراري مع اهل الهوى في كل واد
كنت فعلاً داهية عشق0 واسلوبي خَطير=وكان قلبي! مَسرح الكذب0 لاوالله مزاد
كنت جاهل مثل ماقلت مجهول المصير=وكم عَنيدٍ في زمانه من اللوعات عاد
بعد عقّبت الثلاثين! حاورت الضمير=ياجهاد النفس يالييييل يانفس الجهاد
وإكتشفت إني لنفسي ولَـذّاتي أسير=صِـدْق(منهو طاوع النفس في دنياه)! غاد
كنت انا0لازلت0 للقلب وإحساسي شوير= إن بدى بالنور! ولاّ بقى تحت الرماد
يالله إني طالبَـك ياعليم وياخبير=انته اللي تعطي الخير وتحل القياد
إجعل افكاري وقلبي على هَديك تسير=وإصقل النفس الذليله وبلّغها المُـراد
وصِدْق لاصبّحت بالخير للحلم الكبير!= يستوي عندي قديم الليالي والجداد
وباقي احلامي عصافير0حتى لو تطير= تنكسر جنحانها عند هقوات البعاد
[/poet]
وسلامة الجميع
ســـابـك ذهـــب
الله عليك ياعبد الرزاق الذيابي
منت داهية عشق بس انت داهية شعر واسلوب رااائع لله درك
الحقيقه نص رااااائع رااااائع وشاعر مبدع ومتمكن
وانا من المعجبين بما تقدم دائما ياعبد الرزاق
صحيح ذهب من سابك الذهب والذهب كلن يحبه
رااااائعه من راااائع وجزله من شاعر جزل وفيها من الحكمه والنصيحه الكثير
كلمات يستفيد منها الجميع ياعبد الرزاق
صح الساااااااااااااااااااااااااااانك منه لين يوم القيامه
سجل اعجاب اخوك الجديد القديم وتقبل تحياتي وتقديري