كلِ يميّز باختلاف الطبيعه..........
مساكم الله بالخير


اقدم لكم هذه المتوااضعه املاا ان تحوز على رضااكم واعذروني على التقصير

.............................................



وجهٍ ليا شفته له النفس ترتاح // ووجهٍ ليا شفته تضيق الوسيعه

ووجهٍ حضوره يشبه غيابه ان راح // ووجهٍ لزامه هم دايم طبيعه

ووجهٍ عبوسه دمّره وسط الاتراح // صارت حصون الهم حوله منيعه

وصوتٍ سماعه يودع الهم ينزاح // وصوتٍ سماعه ينذرك بالفجيعه

وصوتٍ تعيش به السعاده والافراح // وصوتٍ سكن بيدين حزنه وديعه

وصوتٍ شمخ بالطيب مع فج الاصباح // يزيد عزك في منازل رفيعه

وصوتٍ دنع لا تقربه جد وامزاح // وصوتٍ يزيدك غبن حذرى تطيعه

وزولٍ الى من مال مالنّ الارواح // يسعد مسا غروٍ بغاية ربيعه

وزولٍ كساه الحسن بلباس ووشاح // والله عطاه الزين ميزه بديعه

وزولٍ تفيض ابه السعااده ليا لاح // لله در ابو العيون الوسيعه

وزولٍ الى من مر بالعطر فواح// بعده تجي دقات قلبك سريعه

وزولٍ قضى حاله من اهموم واجراح // يا ما جرى له من مصايب فظيعه

وازوال شيفتها تقل شيفة اشباح // لا ملح لا قبله وشيفه مريعه

وتلقى بشر حيين. وتلقى لك الواح// وتلقى بشر فيهم طبايع وديعه

هذا ترى غيضٍ من الفيض ياصاح // وكلٍ يميّز باختلااف الطبيعه








مع تحياااااااااااااتي



ابو امثال

ابـــــو فيصــــــــل




[poet font="Simplified Arabic,4,black,normal,normal" bkcolor="transparent" bkimage="http://www.nadawi.net/images/ocean.jpg" border="double,5,darkblue" type=2 line=100% align=center use=ex length=0 char="" num="0,black" filter=" dropshadow(color=black,offx=1,offy=1) glow(color=black,strength=1)"]
وقالوا تتوب عن الهوى قلـت لا لا=
الا تتوب الشمس عن مطلع الشرق
[/poet]
محسن الهـــزاني(رحمه الله)


amorous101@hotmail.com