[poet font="Simplified Arabic,4,silver,normal,normal" bkcolor="transparent" bkimage="backgrounds/15.gif" border="none,4,gray" type=0 line=200% align=center use=ex length=0 char="" num="0,black" filter=""]
هذه قصيده
مراد بيني وبين الشاعرالكبير
تراحيب بن سويلم العتيبي وهو غني
عن التعريف ولو كان بعيدا عن الاعلام
اليكم القصيده

يالله يا قابل صلاة المصلي=يا من تعالى فوق عرشه جلاله
فرد صمد علام دق وجلي= وحده ولا معبود وجه بداله
طلبك يا راع الظلال المظلي= يا واحد ما ظل الا ظلاله
تفرج لمن كنه على جال ملي= يا منتهى شكواه تلطف بحاله
همه يحمسه حمس بن المجلي= في كف حشاش تعاقب دلاله
قلب العنا عيت شطونه تولي= يومه وليله في جهاد وعباله
تقبل وتقفيبه على غير دلي= واهني منهو سايح البال داله
يضحك ودايم خاطره مسفهلي= ما خبثت صلفات الايام باله
في زحمة الدنيا معلي مدلي= والحمل ما عمره برك ورتكاله
وانا الذي مشتال الحمل كلي= بين المتون مروبعات حباله
محد درا بالحاصل اللي حصلي= يا طول صبري ما تغلق لياله
صبر وصل تيمه مهونه وذلي= واخاف يلحق مكسبه راس ماله
مير انت ياللي ناوي البيت قلي= مسجد رسول الله وديع الرساله
بالهون لين اعطيك خط السجلي= وده وفيه كاسب لك جماله
ظرف يخص عناية الشاعر اللي= يمتاز بالثنتين شعر وجزاله
عذروبه انه فنتشاره مقلي= دايم وصندوقه تقارع قفاله
والله مالومه لو على المال ذلي= من يوم قرش السوق ساوا رياله
هذاك ابو ناصر رفيع المحلي= والله وسبع انعام قاله وطاله
طلق الحجاج اللي بضيفه يهلي= تشرح رحاب الصدر ملحة قباله
سوات غيث ما طره مستهلي= يشفي غليل الروح دهمة خياله
تلقاه ما تبغى دليل يدلي= نجم طغى فوق النجوم اشتعاله
وليا قرا جملة كتاب يسلي= عنك اترك الموضوع مالك وماله
عساه يلقالي طريقه وحلي= والعرف ينفذ مصدره من رجاله
تم الكلام وكل ما قل دلي= والهرج تكفي نبذته عن طواله
وختامها على اشرف الخلق اصلي= صلى عليه الله وصحباه واله
[/poet]

[poet font="Simplified Arabic,4,white,bold,normal" bkcolor="transparent" bkimage="backgrounds/50.gif" border="double,4,gray" type=0 line=200% align=center use=ex length=0 char="" num="0,black" filter=""]
التطرف كارثه والغلو سم العقول= والخيانه من عيال الوطن سم الكبود
[/poet]