السلام عليكم ورحمه الله وبركاته

اخواني اعضاء المرقاب

ابارك لكم ولنفسي عودة مرقابنا الغالي

واسمحولي اشارك بهالقصيده المتواضعه والتي قلتها في شخص فتح الله في وجه الدنيا وقام يتكبر ويعيب على اهل الرواتب المحدوده...

بسم الله


[poet font="Simplified Arabic,4,white,normal,normal" bkcolor="transparent" bkimage="backgrounds/10.gif" border="none,4,gray" type=0 line=200% align=center use=ex length=0 char="" num="0,black" filter=""]
دام لي هيبه مع العالم وزول=والمراجل لا زمينن زملها

مقتنع ما همني ثروه وضول=تستوي كثر الفلوس وقلها

ما جنيت بدنيتي فضه ولول=ولاشريت اسهم ولا اعرف شكلها

ماجنيت الا النعايم والمثول=والعلوم اللي يشرف فعلها

عزوتي عتاب ماضين الفعول=تفطر كبود العداء وتعلها

تشطر الرجال من فوق الخيول=قصتن جدي رواها كلها

صفقولك واقرعو لاجلك طبول=وانت طبعك بالفلوس تذلها

والعلوم اللي لها عشرين حول=عند بيضان اللحى وش حلها

البذخ لو طالت ايامه يزول=الله اللي حكمته يمهلها

والطلوع اتلاه يامسلم نزول=للفطين اللي نسى يفطنلها

مانفع كسرى كنوزه والمغول=الكنوز اللي تنام بضلها

طاعت الله يامكابر والرسول=راس مالي في الحياه وجلها

والله اني ماابا غير القبول=يوم تاضع كل حامل حملها

وسلامتكم

ابو زيد
[/poet]

اللهم اغثنا
اللهم اغثنا
اللهم اغثنا