|
فيلم هندي ؟!!
السلام عليكم ورحمة الله وبركاته ...
عساكم طيبين كل(ن) باسمه ....
وكل عام وانتم بخير ومبروك عليكم الشهر الله يعيده علينا بالخير والبركة .... والله يتقبل طاعتكم مقدما .
اسمحولي بهذه المتواضعه وهي عبارة عن رأي شخصي ... وانا قلت ابلحق على شيطان شعري قبل لا ينقلع عساه مايعود
============= كتابته 7 اضعاف قرايته ؟!! ============
ابتغانم شياطيني قبل يربطون
،،،،،،،،،،،،،،،،،،، والشعر شيطانه يقدم لي دعايته
مع كل بيتين شطر... وشطر يلقى زبون
،،،،،،،،،،،،،،،،، واعوذ بالله من شيطاني وغايته
وانا احمد الله واصلي له واسد الديون
،،،،،،،،،،،،،،،،،، ادعوا لي الله يثبتني على هدايته
وين انت ياللي تجر بكل يومٍ ٍ لحون
،،،،،،،،،،،،،،،،، الفايته فايته .... والبايته بايته ؟؟!
قامت تداحم على دربي كبار المتون
،،،،،،،،،،،،،،، والكل ودّه يسابقني على ( وايته )!!
ياكثر ما مرّني ويمركم من فنون
،،،،،،،،،،،،،،،،، مامن علم مير كل ٍ رز سرّايته
وش يطلبون الشعر بالله وش يطلبون ؟
،،،،،،،،،،،،،،،، ياراية الصدق وين الصدق يا رايته؟
مل الورق ... ملت الشاشه مع المكرفون
،،،،،،،،،،،،،،،،، وكتـّابة الشعر سبع أضعاف قـــرّايته
ومابين بيض السنون وبين سود الظنون
،،،،،،،،،،،،،،،،،، الشعــــر ســـرّاقته يالربع حمــّايته
والموهبة جاية ٍ للكل ... لا تزمرون
،،،،،،،،،،،،،،،،،،، واللي لها الحين ما جاته ...ترى جايته
والفلم هندي وعندي منه نسخه ... تبون؟
،،،،،،،،،،،،،،،،،،،، أزريت اميّــز بداياته من نهايته
مات البطل يوم ماتت ( ميري ) ام القرون
،،،،،،،،،،،،،،،،،،، ونهاية الفلم طبق الاصل وبدايته
وانا ما اقول العرب قالت ولو تشرهون
،،،،،،،،،،،،،،، وش لي بـ(أبو زيد) والا( الزير) وحكايته
ولاجيت ادوّر قبيلي وين ؟ او من يكون ؟
،،،،،،،،،،،،،،، عجزت ادورك وين القاك يا شايته ؟!
ومهايطين القصايد كلهم يسكتون
،،،،،،،،،،،،،،، لا قمت اهايط كما ( الحجاج ) في اولايته
اللي مفتــّح عطيته قطرة ٍ للعيون
،،،،،،،،،،،،،،،، والراقد اصلاً تراني قلت ( قد نايته )
أنا تراني ما اعرف استخدم التيلفون
،،،،،،،،،،،،،،،، اللي ابيه آصله واثبـّت روايته
وقبسان لامن قبس تكفون لا تزعلون
،،،،،،،،،،،،،،،، خلوه يقبس ترى القبسه من هوايته
  
تحياتي
قبســــــــــان
الرجال افعالها مثل الكنوز
......................... والجمال جمال لوهي باركه
وخوة الهافي تراها ماتجوز
....................... مثل منهو في رداه يشاركه
qabsan1@hotmail.com
|