العلم له رأس زال السيف لـه شـذّره
والصدر بحرٍ يضيع السـرّ فأعماقـه
والبـذر لابـد مايرجـع علـى بـذّره
حتى لوإنـه يزيـن وتكبـر أوراقـه
والرجل بالفعل ماهو في كثـر هـذّره
لاطاب ماقيل عيبـه هرجـه إشفاقـه
وهرج القفا عرّضه صفق الهواء واذّره
خل الهواء يشيل جل الهـرج ودقاقـه
لاشانـت أفكارهـم فأفعالهـم قـذّره
مايقطـع الساقـه إلاقاطـع الساقـه
والمجد ماياصله من خطوتـه حـذّره
لازم يغامـر ورزقـه عنـد خـلاقـه
ماخط فاللـوح لوهـو ماخـذٍ حـذّره
يجيـه جيـة عقوبـة عاقـر الناقـه
واللي يقـدم قبـل ماجوبنـا عـذّره
لو عاقه الوقت قلت الوقـت ماعاقـه
فالقلب أشيله غـلا (ومربّـعٍ جـذّره)
وأجمع له ألوان طيف الحب في باقـه
ونذرٍ عليه وأنـا مـن يعتبـر نـذّره
(إن الغلا ما هو من البـاب للطاقـه )
صح لسااااانك ياعقاب وبيض الله وجهك
تقبل التحيه
|