ترى والله حلاة الشعر في صحوة هل الألبـاب
لتوضيح العقيـده واختـلاف الفكـر واسبابـه
وفي حب الوطن ياهل الوطن ومواجه الإرهاب
بتوجيهٍ حكيـم يرجّـع الغـاوي عـن ارهابـه
وحلاته يذكر الشيشان وش سوو به الأجنـاب
ولاينسى جنيـن وحسـرة الأقصـى وماصابـه
وحلاته يذكرأحوال العرب والـذل لللأعـراب
وعن حال العراق اللي لـه الإسـلام منصابـه
وحلاته للشجيع اللي يخوض المعركه ماهـاب
وحلاته في عريب الخال والطيّب مـن أنسابـه
وحلاته في رجل دايم لزلات الرفيـق حجـاب
يخفّـي زلتـه دايـم ولايبـدي لهـا جـابـه
وحلاته فالنصايح والكرم ومواصـل الأقـراب
وفي حفظ الجوار اللي كريـم الوجـه وصّابـه
وحلاته لن طرق باب الغزل مايكتبـه لعّـاب
يجي رجلٍ عفيف ويحترم وصفـه ليـا جابـه
وحلاتـه مايعوّدللهجـا والـزود بالألـقـاب
ولايستعملونـه نـاس لـلأعـراض نهّـابـه
طايل الذويبي
حلاة الشعر يبدع من شرواك من الشعراء المبدعين
قصيده جزله
طال عمرك
تقبل تحياتي
|