هذه القصيده هي الثانيه في مشاركاتي في هذا الصرح بعد قصيدة نجد العزيزه ولكن جاءت لها مناسبه بعد تنويه الاستاذ سداح وانا على يقين انه يستطيع ان يكتب اروع منها بكثير ولكن وجدت انها تعالج بعض ماتطرق له فخذوا منها الصالح وتجاوزوا عن الخلل يااهل المرقاب ويازواره


[poem=font="Simplified Arabic,5,black,bold,normal" bkcolor="transparent" bkimage="backgrounds/27.gif" border="double,4,gray" type=2 line=0 align=center use=ex num="0,black"]





سلام الله على اللي يكتبـون الشعربالمرقـاب=
سلامٍ من عتيبـيٍ يحـب الشعـر وأصحابـه
تحيّـه وافيـه للشعروأهـل الشعروالكـتـاب=
وعشّـاق التـراث وحافظيـن الشعروأحبابـه
ياروّادالشعـر خلّوشعركـم يبلـغ الأسـبـاب=
يسجل شعر للتاريـخ يدخـل واسـع أبوابـه
وأنا يجتاحني شوق المحب لشوفـة الأحبـاب=
لشعرأهل الجزيـره والخليـج ومـن تغنابـه
ترى والله حلاة الشعر في صحوة هل الألبـاب=
لتوضيح العقيده واختـلاف الفكـر واسبابـه
وفي حب الوطن ياهل الوطن ومواجه الإرهاب=
بتوجيهٍ حكيم يرجّـع الغـاوي عـن ارهابـه
وحلاته يذكر الشيشان وش سوو به الأجنـاب=
ولاينسى جنين وحسـرة الأقصـى وماصابـه
وحلاته يذكرأحوال العرب والـذل لللأعـراب=
وعن حال العراق اللي له الإسـلام منصابـه
وحلاته للشجيع اللي يخوض المعركه ماهـاب=
وحلاته في عريب الخال والطيّب من أنسابـه
وحلاته في رجل دايم لزلات الرفيـق حجـاب=
يخفّـي زلتـه دايـم ولايبـدي لهـا جـابـه
وحلاته فالنصايح والكرم ومواصـل الأقـراب=
وفي حفظ الجوار اللي كريم الوجـه وصّابـه
وحلاته لن طرق باب الغـزل مايكتبـه لعّـاب=
يجي رجلٍ عفيف ويحترم وصفـه ليـا جابـه
وحلاتـه مايعوّدللهجـا والـزود بالألـقـاب=
ولايستعملونـه نـاس لـلأعـراض نهّـابـه
هذا..والمعـذره ياناقديـن القـاف لوماشـاب=
بحـر قـافٍ يغنيـه الذويبـي لاجـل طلاّبـه
رغبت أشارك أهل المنتدى وأنشرمع الأصحاب=
خواطرشاعرٍلامـر بيـت الشـعـر هـلاّبـه
واثني بالسلام لمن قرا شعري على المرقـاب=
وعشّـاق التـراث وحافظيـن الشعروأحبابـه [/poem]
وسـلامـتـكـم ,,

أخوكم/طايل الذويبي