[poem=font="Simplified Arabic,4,firebrick,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الاسامي تنتصب .. والعز رايه=والطليعه للصفوف الاوليه

واكثر الغلطات ماهي .. عن درايه=واكبر ذنوب النفوس .. من السجيه

تؤخذ ازمام الامور من البدايه=قبل لاتصبح طوالاً .. سرمديه

والنتيجه تنجني عند النهايه=مثل ماتجنى ورود .. المزهريه

كل ماهبت على المهموم .. حايه=ماتباعد غير خطوات الخطيه

ابتدى الفصل الاخير من الروايه=ياحليلش ياللحون .. السامريه

نعرف الجنحه ماهي مثل الجنايه=بس لو صارت .. نسميها قضيه

والرساله للوضوح وللعنايه=وش مصير النفس .. والرجل الجريه

وانت غلطاتك جهل والا هوايه ؟=ياموردني على حوض المنيه

يامسوي مني لغيري .. دعايه=لين كلاً قال حب وصير .. زيه

ما افتقدت من الحنان الا الرعايه=ولا جنيت الا الطعون .. اغلا هديه

بعدك .. لحاله مسوي لي حكايه=كيف لو قلت الطعون الموسميه

احسب ان البعد عن حبك وقايه=واحسب الايام من دونك .. مديه

ويوم لديت النظر في البعد فايه=كل يوم يمر يذبح بي خليه

قلت احبك ؟ .. ايه انا احبك هوايه=قلت تنسى ؟ .. قلت ياليت بيديه

قلت ضايع ؟ قلت لاوالله تايه=ويش تفرق بين ذيك وبين ذيه ؟

مابقى لي غير حبك .. ربع غايه=واسّتغفر الله لاتكتب عليه

انت لو سويت من حبك ولايه=يمكن احيي بك .. عروشا فاطميه

شاعرا ماصار شعره فيك رايه=يرحم اوزان الحروف الابجديه[/poem]