ناصر الأحمري
ماشاء الله ،،،،،،،،،،،،،،
صح لسانك ياشاعر .. ملحمة متزنة ومترابطة لا يكفي منها بيت عن آخر
ولا يغني فيها مقطع عن مقطع ..
فالشعر لاهو بلا عمّـي ولا سيـدي
اعدّه احيان وامّا احيان مـا اعـدّه
ان هجرست به هجوسي دوّنته ايدي
والحبل بـايدي ماغير ارخيه واشدّه
وان مابغيته يروح ودربه سعيـدي
النفس ماهي علـى فرقـاه منحـدّه
والشعر تالي الزمان أصلي وتقليدي
بابيـن مفتوحـه وبابيـن منسـدّه
فاللي يجي كاش واللي بالتقاصيـدي
وتزين مسـودّةٍ وتشيـن مسـودّه
ماقال ابو الطيّب لكافور الاخشيـدي
مضمونه اليا استحيت من الحكا بدّه
ماكنّه الا العزى في ليلـة العيـدي
ليل النقيضيـن وش يثنيـه ويمـدّه
حتى فصاحة خليل ابن الفراهيـدي
ماضاعت إلا على الكورنيش في جدّه
مافيه شيٍ علـى ماقيـل تجديـدي
ســلام ردّيــةٍ يامرحـبـا ردّه
ودام البقا يالكوميدي والتراجيـدي
والصف عامر وهزله غالـبٍ جـدّه
.
.
صح لسانك ..
إعجابي وتقديري .
|