هبـي بـراد ولا تهبيـن معصيـر
ياريح في سبعه وعشريـن هبـي
كثّـر الكـلام وقدمـوه المواخيـر
اللي تكالب بيـن مدحـي وسبـي
ما بيضوا وجه الملامـات بالخيـر
ولا سـودوا وجـهٍ لربـه مكبـي
وش لي بهم وانا ذنوبـي مزابيـر
من فوق متني والزمن لـي يخبـي
ياربي ارحمني واعذنـي زمهريـر
وأغفر ذنوبي وأعف عنـي ياربـي
يا رازق الداب العما لحمـة الطيـر
ارزقنـي الجنـه ووسـع مـذبّـي
وأحسن خواتيمي وأعنّي على السير
في طاعتك خاضـع مكبـر ملبـي
مؤمن موحد فيك ، كافر بما غيـر
يعبد سواك.. ومـن يعبـده يهبـيّ
اللي مصعر خده الشـرك تصعيـر
ومن دون حب الله لقا مـن يحبـيّ
عز الله ان أسمه زبون المخاسيـر
خسران ديـن وبالذنـوب امتعبـي
يبا بعـد موتـه يـذوق التعازيـر
واللـي يكـب الله مصيـره يكبـي
في نار واهجها علـى اقـل تقديـر
أضعاف نـارٍ فالمصافـي تشبـي
يالادمي مهما حصل منـك تقصيـر
لابـد لجـروح التخـلاّف طـبـي
تلاّحق اذنوبـك بسجـده وتكبيـر
توبتـك بـأذن الله لذنبـك تجبـي
ويا نفس جوزي وآمني بالمقاديـر
ويا نسمة الايمـان بالـروح دبّـي
ويا دمع لامنـك مليـت المحاجيـر
فيّض مع عيني ويا عيـن صبـي
من خشية الله يالقلـوب المواجيـر
دعيت ربـي يـوم جيتـه ملبـي
ياربي ارحمني واعذنـي زمهريـر
وأغفر ذنوبي وأعف عنـي ياربـي
يامناحي يامناحي
وش اكتب وش اقول
الله الله
روعة روعة
فاتنة ومعبرة وصادقة
ابدعت ايدعت يامبدع
دام حضورك الرائع
والف صح لسانك ياشاعر
|