إن طرا لك شعر وما عندك ماعند grand mother
صادقي لك شـاعر ٍ ولا أقول لك شـاعرين !

وإن خذيتي لك ثلاثة واربعة وخمسة شواعر
وان دبلتيهم ثمنية وعشرة .. فالزود زين

جمّعيهم والعبي بحسبة اهلهم والمشاعر
ثم شوفي لك صحافي .. والله الله بالسمين

نتـّفيهم كالدجاجة وافرميهم كالبرابر
سبـّكيهم بالهداوة لين تحلو وتزين

لين يحطونك غلاف ونجمه لشبك التذاكر
يابعد عمر القوافي وش في غيرك زايدين ؟

ما تعامى عن جمالك غير اعمى مايناظر
وش بلا بعض العواذل من نجاحك ضايقين ؟

وش بلاها من طموحك تزعل احلام الدفاتر ؟
اسألي وجه المرايه ، اسألي الروج الثمين

اسألي السلسال والسشوار والوان الأظافر
اسألي نظرة عيونك هاللي منها ضايعين

اسأليهم وان عرفت ِ خلي سرك فالمقابر
الصراحة ماتوكـّل ( شعر ) مير الله يعين

وصدق اقلامك تمشور بين ارقام ومحاجر
ماهو شرط انك تقولي الشعر لازم تشعرين !






grand mother = جدتك