مات الحكي وتبعثـر الصـدق بالزيـف
حيل الله اقـوى يـا الليـال الطويلـه
كلن على راسي وقف في يـده سيـف!
كلـن يبـي يقتـص بايّـة وسيـلـه؟
احدن كتب له (فلـم) حبكـة وتاليـف
وحكايـة(ن) مـن الـف ليلـه وليلـه
وأضاف لحكايَتـه (فصليـن) تحريـف
شـوّه بهـا كـل الفصـول الجميـلـه
وأسقط من القصـة فصـول وتعاريـف
واركى على غيـره حمـول(ن) ثقيلـه
أصل الحكي كله [ معازيب مع ضيـف]
والضيف قفـى والـردا فـي شليلـه؟
قابـل معازيبـه بطيـب(ن) وتشريـف
وهـم احتفوابـه بالنقـا والفضيـلـه
واقفـى يتمتـم فـي ردي السواليـف
يطعـن معازيبـه وحــاز الرذيـلـه
ماني باقول شلون..؟ او ليه..؟ او كيف؟
باقـول بـس المستمـع عزتيـلـه !!
ولا انت ياللي كنت لي نشـوة الكيـف
جيتـك عليلـه ورحـت منـك عليلـه
بدا النهار أحباب عشـق.. ومواليـف
وخيّـم ظـلام الليـل وحـدي قتيـلـه
اقبلت تضحك لي.. وخليتنـي معيـف؟
وصـارت محبتنـا شبـه مستحيلـه؟
صحيح احبك ميـر كثـر التكاليـف..
..زادت , وانا مالي على القلب حيلـه
لا ما رجيتك لـو غـدا ليلـي مخيـف
المقفي ان قفّـى.. حشـا مـا اجيلـه
ليل الشتا من صدمتـي انقلـب صيـف
والحـظ مـال وزاد بالقـلـب ميـلـه
لانته بكامـل فـي جميـع التواصيـف
حتـى تولـع لـي بـراس الفتيلـه؟؟
مع انه البارح لفـا خاطـري (طيـف)
زولـك تهيّـا .. فـي دقايـق قليـلـه
ولنّي ماحب اكون في موقـف ضعيـف
صديت عن طيفـك وصـرت البخيلـه
لك مني ارحل وانـت خـل الملاقيـف
يحكون لك عـن كـل ميلـه وعيلـه!
وان جيـت يمّك/لـك ذل وتحاسـيـف
نـذر(ن) علـي لاقـص كـل الجديلـه
لله درك لله درك
وصح لساانك و لاهنتى
تحيااتى وتقديري
|