ابن الطنايا مايهاب لامن يميـن ولا شمـال
يطني والى منّه طنى،، يضرب وتوجع ضربته
ياولد أبوي وعزوتي،،منصور مافيها إحتمال
إما شهاده أو نصر نحيـا معـاك بنشوتـه
ولاقصور ٍ (فالقروم)،،(ربعه) ولافيهاجـدال
تكفون ياربعه القصاص من كل خاين لأمتـه
اشفوا غليل أهل البلد من هالعوالق والحثال
لاترحمون اللي يهز أمن الكويـت وراحتـه
واحنا معاكم يارجال،،سمّوا وعلي الله لإتكال
والسر في شعب الكويت ،،(إنه قوي بوحدته)
الله الله
ياكويتنا لاتعاتبين ،،اللي اعتبرتيهـم عيـال
ولايحزنك منهو غدر،،باكـر بيلقـى فعلتـه
ياكويتنا ياغلى بلد،، بانهي كلامـي بابتهـال
بستودِعِك رب العباد ،،اللي يصون وداعتـه
سبحانه
اللهم احفظ بلادنا وبلدان المسلمين من شرور الفتن وضلالتها
شقاويه
شعور صادق ونبيل , ووطنية تنم عن اخلاص وطيب معدن
صح لسانك وسلمتي ..,
واعجابي مع التحيه .,
|