السلام عليكم ورحمة الله وبركاته

هذه مصافحتي الاولى لكم اتمنى ان تنال استحسانكم ورضاكم

============================
[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=200% align=center use=ex length=0 char="" num="0,black" filter=""]
قد قلت لك لاتولّع فيّ طاوعني = خايف يجي يوم ماتقدر على فراقي
ماودي انك بدرب الوهم تتبعني = الحب ظلعه طويل ويتعب الراقي
كنت ادري ان الامل بك صعب يجمعني = رغم ان حبك يجول بداخل اعماقي
اهواك لكن ظروفي عنك تمنعني = واشتاق لك يعلم الله واخفي اشواقي
لاقلت اببعد حناني لك يرجعني = كله علشان ما اجرح حسك الراقي
ياليتك ادركت جرح الحب وش يعني = حتى انك تْعرْف انا ليش اكشف اوراقي
ماتدري انك بحبك لي تلوّعني = وتزيد جرح ٍ قديم ارهقني ارهاقي
على العموم انسني مرة وقاطعني = وسامحني اني معك نقضت ميثاقي
ارجوك حاول وصبّر قلبك وبعني = اعلن لي البعد تكفى واترك الباقي
البعد ينفعك صدقني وينفعني = قبل العلاج الوقاية والله الواقي
[/poet]

مع تحيات اخوكم

تركي المورقي