ابك ايه مشتـاق والثنتيـن مشتاقـه
تبغانـي اقولهـا ولا انـت خابرهـا
اي والله لشوفتك بعـد البطـا فاقـه
يازارع الشوق بعيونـي ومسهرهـا
الغيبه اللـي لهـا عاميـن منساقـه
يانعنبو حيـك انتـه كيـف تقدرهـا
ياثـورة الشعـر وابداعـات طراقـه
ياعذب قصيده تجمل منـك شاعرهـا
يانظرة اعجاب رمش العين وارماقـه
ياغفايتـه يالعيـون ويامحاجـرهـا
ياضحكة الصبح حي الصبح وشراقـه
الضحكه اللـي عسـا الله مايكدرهـا
سولف سوالفك لي عذبـات ودقاقـه
تنصت لها اذني من أولها لياخرهـا
انته اشفاقه وهرجـك كلـه اشفاقـه
هرجك ليا طالـت الطرقـه يقصرهـا
سرب الحمام بحديثك وانت بسياقـه
سلهم بسلهامـة عيونـك وخدرهـا
علمني ان الحلـى ترتيـب وذواقـه
والسكريـه حلاوتـهـا بسكـرهـا
وان اجمل الورد وردٍ ضمتـه باقـه
واطفـال الاحـلام علمنـي بباكرهـا
تفلسف عن اكتشاف الضوء والطاقه
وعن ايتكيت الحضـاره يامعاصرهـا
وعن شكسبير وعن افلاطون ورفاقه
وان ما فهمت الجمل علـي كررهـا
اعلمك عن صهيـل الخيـل والناقـه
والعـزوه اللـي فعايلهـا تفاخرهـا
اليا تعزويت ربعي تحتمـي الساقـه
واليا اعتزت في انومسها وابشرهـا
بدوٍ علـى الطيـب بتاعـه وسباقـه
عاشت على عز ماضيها وحاضرهـا
وعن شاعرٍ لاعشق يعشق من اعماقه
انا اشهد ان القصايد فيـك صخرهـا
اما شعوري نحـاك وسلـة اشواقـه
ابا اختصرها وفي قوسيـن سطرهـا
ممتلكٍ انسـان مـن حسـه لخفاقـه
ما والله اغلى من الروح ومشاعرهـا
/
\
ااااالله
االله
الأخ خالد سعيد
اقسم بالله أنها فاتنه وجزله ..
وردي لن يوفي هالباذخه وكل الكلام يتقزّم امامها
لله درك .. اطربتني بقراءتها وماراح امّل منها لو أقرءها الف مره
صح لسانك وطاب فكرك الراقي والنقي
ودمت بسموّ ونقاء لاينفك
اخوك
عادل العالي
:
:
|