رحيم الغنامي

سلمت يابو صالح ..



وصح الله لسانك على ماسطرت ..


وش انسوي يابن الحلال .. امورٍ على الله تدابيرها .. خلها على الله ..


استلم لا هنت ..


وش نسوّي بالعرب يبن الحلال

..................... مــاوراهم غيــر نكــران ونكيـــر

ان هرجنــا ضرّنــا كثر الجدال

.................... وان سكتنا صاح تأنيب الضميــر

اقطعوا عنهم جهــات الاتصال

.................... مـانبــا منهـم صغيـــر ولا كبيـــر

ماورى هبال العرب هذا هبال

.................... للهــوان يجـرّهم سـلك الحــريـــر

.....

جرّهـا ياجـورج ياذيب العيـال

................... لا تسمع فـي رئـيـس ولا وزيـــــر

جمّع احـلافك وسـو الاحتفـال

.................... في ديرنا واعزموا توني بـليــر

وانت ياشارونها روح وتعـال

................... دمّر الارهــاب والشعـب الفقـيـــر

......

لا يـزعّلـكـم كـلامـي يـارجـال

................... أعتقد مافي كلامـــي ما يضيـر

سامحونا ياكريميـــن السبال

.................. ترجمة شـاعـر لـواقعنـا المـريــر

الليـــالي بدّلــــت حالٍ بحال

................. واشهد ان احـوالنـا ماهي بخيــر


سلمت يابو صالح ..

واسمحلي على مجاراتك بهذه الابيات المتواضعه ..

جعل مافيها قصور ..

دمت غالياً يابو صالح ..

أخوك /

رحيّــــــم

..



علـّمني العمر وش يسوى بليــّاك

..................... لا جيـت أدوّر عليـك و ما لقيتـك !