تسأل... اتقول : أنت شاعر؟ قلت: مدري
ودي ادري يـا مليحـه بـس مــدري
ادري انـي مـن حبايـل فـي مقالـب
من تشقلـب فـي تعلّـي فـي تحـدري
و المصيبـة تستلـم نـوبـة مصيـبـة
قالت: أمرٍ توّ... هذا؟ قلـت ...بـدري
قالت: انته وش بلاك ...يضيق صـدرك
كلما تسمـع سؤالـي؟ قلـت : صـدري
قالـت: انـت امعقـد و حالتـك حالـه
قلت يا بنت القـدَر، مـا هـوب قَـدري
قالـت: انتـه فيـك بعـض العنجهيـه
و التكبـر.. قلـت: لا .. و الله يـدري
قالـت: الأخ ابـدوي؟ قـلـت...الله الله
و قبـل ميـلاد المسيـح يفـوح قـدري
حامـيٍ ٍ داري و ضيفـي مـا نسيـتـه
و الوفا و الحلم عن غيظـي و غـدري
أحتـرق شمعـة لجـاري فـي ظلامـه
و ان بدت شمسه ضحك من نور بـدري
و لو تحيز مـا اشتكيـت مـن التحيـز
ابلـع الزلـه لـو المشـروب كَـدري
و ان بـدا لـي منـه ميلـه و انقلابـه
قلت: جار... و عرضه عن الشين مدري
قالت: اعرابـي و الاعـراب الله اللـي
حطهـم فـي موقـع بالنـاس حـدري
قـلـت: هيّا...فسريـهـا و افهميـهـا
و اتركـي تفسيـر قـدّوره و قــدري
كلمـة الأعـراب معنـاهـا عمـومـي
تعني المجهـول فـي عشـة و خـدري
و البداوة مـن خيـار الصحـب أهلهـا
مثل زيد الخيـل، مـع خمسيـن بَـدري
و يوسف و يعقوب بدو ، بنـص الآيـة
ما هـم اعـرابٍ و لا حِـرّاث مِـدري
الـبـداوة يــا مليـحـه فسـريـهـا
بالكـرم لا حـل ضيـف بليـل غـدري
فسريـهـا بالشجـاعـه والشـهـامـة
الله الله الله ياسلام
موهبه اصيله
شكرا لشاعر القدير الاستاذ بدر بن ثعلي على ذا القصيده الجزله من شاعر جزل وفي غنى عن التعريف
والمعذره احسب اني قد مريت عليها وهالحين أسعد بتصفحها
تقبل تحياتي وتقديري
اخوك
حسين الدوسري
|