حي القصيد وحي ذالعين
تعبـت أجامـل نفـوسٍ مالـهـا مـلّـه
وأسايـر عقـول مخدوشـه ومربـوشـه
عاقـل ولا أواخـذ الجاهـل مـن الزلّـه
ولومي على الليّ يطول الطيـب وينوشـه
مانـي بـسـاوي بمعتـدلـه ومختـلّـه
أجازي الرجل فـي هـدوه وفـي هوشـه
من طاب لي طبت لـه ممّـا أملكـه كلّـه
ومن لا أعتبرني ؟ فلا أعتبره لوّ أقروشه !
تركـبّـه مرسـيـدس وتسكـنّـه فـلّـه
وامن الفسق لوحة الفنـان فـي حوشـه
مغنينـي الله بعـزّ .. وطبـعـيّ أجبـلّـه
الصيت طيّـب وفـرش الحـظ مفروشـه
الله يبـارك بـحـذف مـعـزّب الشـلّـه
حرّك رحاة القصيـد وسـارت أطروشـه
يـاقـوّ دقّــه ويـامـقـواك يـاجـلّـه
سيمـاه فـي وجنـة الياقـوت منقوشـه
مانـي بمـن مرتبـة شعّـار حــيّ الله
اللـيّ يصفّـق لهـا وتضيـع فالطوشـه
أتعـب علـى طبخـة المضمـون وأزلّـه
في ملحمـة بيـت مـا جـدره بمخدوشـه
ياحـيّ ذكـر المـزل ّ! وطـاري الدلّـه !
وفنجال يجلي عماس الـراس والشوشـه
ماهـو بفنجـان أبـو حسّـان عـبـدالله
اللـيّ ينكّـس علـى الحجـان طربوشـه
يـدوب أصـارع جبـل ماهـو بيـا قلّـه
أولـه ماينـذكـر وأخــره مريـوشـه
كثـر الطـواري براسـي جعلهـا العلّـه
خلّـة وسيـع البطـان يطـقّ شاكوشـه
الاّ أنـت ياطـاريٍ لامـرّ مــا أمـلّـه
تفتح له أبواب صدري قبـل مـا أحوشـه
تقبلّـه أشـواق قلـبـي قـبـل تقبـلّـه
نفحـات ودٍ مـن الحرمـان معـروشـه
لـي عـام وأنـا وتفكيـري علـى ملّـه
والوجـد صـدّام .. والتنهيتـه أجيوشـه
عليك ياللـيّ مصـب القلـب منهـلّ لـه
ومراتعـه فالضلـوع الحـدب مرشوشـه
غـلاه بـلّ العـروق وقلـبـيّ أحتـلّـه
ومحبتّـه صافيّـه مـاهـي بمغشـوشـه
أمدلـعٍ شـايـخٍ فــي زمـتّـه دلّــه
وامن الترف عيشته قطعة ( ماكنتوشـه )
والله مايسفـهـل الـصــدر ويـفـلّـه
الاّ لسلهـم سحـى .. وأنكفّـت أرموشـه
لـوّ كـان بـار الزمـان وبانـت الخلّـه
ولاحت بروق الفراق .. وخويّة أعروشـه
ما أدله ولا أسـجّ مـن طاريـه وأملّـه !
الاّ إنـيّ أسـج مـن سلهامـة أرموشـه
فالح
مدها
وافيه وكافيه
معنى وقافيه
تحياتي
واعجابي
|