السلام عليكم ورحمة الله وبركاته

مساء الخير يا وجيه الخير


قصيدة .. اتمنى من كل قلبي .. ان تصل الى ذائقتكم الكريمه ..

::::::::::::::::::::

[poem=font="Arial,4,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]


قال الوداع !! وقلت صبرك دقيقه ؟ = ودّي ابيّن حزن قلبي بقرطاس

ما تدري أن البعد أصعب حقيقه = لاصار قلبي بين همّ ٍ ووسواس

اسمع ونين القلب ياللي تعيقه = وصدق المشاعر تشتكي حرّ الأنفاس

شوف العيون اشلون عقبك غريقه = والفكر من ذكر الهجر صابه عماس

لا ما يعوّضني جمال الخليقه = لا يا عديل الروح ما مثلك اجناس

في غيبتك كثر الصبر ما اطيقه=والفرحه ابقربك أبد ما لها قياس

كنت افتكر بان العلاقه وثيقه=وادوّر الأعذار واقول لا باس !!

لكن خلاص اليوم بالقلب ضيقه=ومات الأمل يوم ٍ ضوت نظرة الياس

تاه الفكر وسط البحور العميقه=ويغرق بها البحار لو كان غطاس

سيف الهجر من أمس واضح بريقه=يومك قطعت الوصل واسقيتني كاس

كاس ٍ مليته من أنامل رقيقه=في داخله سم ّ ٍ وفي ظاره ماس

في ضامري شبّيت أكبر حريقه = وهدمت حبّ ٍ كان مبني على ساس

هذا جوابي والحبر نـَشـْف ريقه= وما عاد فيك أمن الغلا شيء وإحساس

روّح وأنا بروح كلّ ابطريقه = باصبر على فرقاك لو كنت محتاس

[/poem]

:::::::::::::::::

وسلامتكم

((.. اخوكم / حسن بن علي الهاجري ..))

الموت كانك شفت في عيونك الموت= وترجع شريط الذاكره في ثواني

وكل ما عملته في صحايفك مثبوت = ان كانها سيّات والاّ حساني

واعلم لا فات الفوت ما ينفع الصوت = يا عبد لا يغريك ما كان فاني