الأخوه والأخوت في المرقاب الخلاب ............... السلم عليكم

لأول مره اطرق هذا الباب ولكن ارجو ان تعذروني ان اخفقت ولم تفتح قلوبكم

القصيده:

7


7

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ابن آدم كان وضعه وضع غير=اسمحوا لي بالزمن نرجع ورا
مملكة بلقيس كانت بالف خير=عندها مجلس حكومي و وزرا
سد مأرب فيه فار وشاف طير=خاف منه وقام يدحل فالثرى
اهترا العملاق من فعل الصغير=انخرم جحره على الما وانفرا
غلق الما, دور الما, حط بير=هاجر السكان بعد اللي جرى
راعي الصافن تهيا للمسير=ضاربٍ عرض اليمامه ماحترى
أقتفا الفارس حلاله.. والفقير=قال ابا اجلس في تهامه فالذرا
آل جرهم جدهم شيخٍ كبير=كل ما شاف الجدي قام و سرى
نير يا بكر الفتى للشيخ نير=قوم شب النار للعود جهرا
في نفي بعد الجبل يوجد غدير=اركبوا نعرب على الما بالقرا
امتلا حوض اليمامه بالحدير=غص بالأعراب أعدا واقصرا
عدوا الفرسان كسرى يستثير=من تعد ومن تخلي ياترى
ان بغوها بالكرير وبالفرير=صعصعه راع الحصان الأزورا
ومن شمال كليب من عنده يغير=ويبشرون بيوم رداد البرا
السهل حاميه عامر بالشطير=والوعر بازحول سعد محاصرا
العدو ماله منير ولا مطير=لو وراه ارتول لازم يدحرا
محتمين ارض اليمامه بالبعير=وبالجياد الصافنات الضمرا
الرقاب العوج والعرف القصير=كنها بعيال يعرب تفخرا
ومن سلالة بكر ابن جرهم جدير=أسم ليلى العامريه يذكرا
اعرضت لك بنت يا حوس المرير=قلبك اخضر والكلام ميسرا
أرجع لمحور حديثك لا تصير=صيرفي بالهرج يلحقك الزرا
ملة ابراهيم كانت بالضمير=والعرب تومن بيوم المحشرا
القلوب لذكر خالقها تطير= والعيون موجهه لام القرا
عين ما في واديٍ ماله نضير=الله اللي عن مكانه خبرا
عنده اسماعيل باني له حجير=يوم ابوه لساس كعبه عمرا
يم بيت الله في بكه نفير=القوافل واردات وصدرا
في جبل سينا يهود بوسط دير=جات كلمة كاهنٍ في خيبرا
أجمع الرهبان في امرٍ خطير=دين موسى ما نبي فيه اخشرا
يوم حبلا يوم عذرا ما يصير=افضحوها بلغ اللي ما درا
اهرجوا في بنت عمران بكثير=حبر يفتي في حديثٍ يفترا
النبي في دينهم ماله مجير=حاكموا عيسى المسيح يعزرا
دسوا التوراه فيها اسمٍ مثير=سجل التلمود لو ما ينقرا
لهجة الاعراب بالأسم الشهير=حرفوها حطوا البا قبل را
عينوا كوهين في روما سفير=وادعوا بان الصليب يكسرا
قام قيصر ينفض البشت الحرير=بيت في بكه جزاه يدمرا
ما تنازل للعرب يرسل نذير=ارسل امره للنجاشي باسمرا
دوك فيل ودوك جيش ودوك عير=يابرهه نفذ لأمر القيصرا
وانهزم في ملحمة "يا طير طير"=عام جابت آمنه خير الورا
اشرقت بالمصطفى النور المنير=وابتدا عهد الرساله في حرا
النبي الهاشمي آخر بشير=رحمةٍ مهداه من رب البرا
يوم جاه الوحي من عند الخبير=خاطبه جبريل قال اقر وقرا
اصبح الصديق لمحمد نصير=وهاجر ليثرب وأسلم عمرا
اطلعو باحقادهم بني النظير=وصاروا الأنصار نعم المعشرا
طاح وجه الشر للخير الوفير=وفالديار المسلمه طاب الكرى
انتشر فالأرض هديٍ مستنير=والجهاد اعلن على من يكفرا
انبرا للروم موسى بن نصير=والبحر والبر كان مسكرا
وجيش طارق والمثنى والمغير=من رجال الميمنه والميسرا
جلسوا قيصر تحت حد الشفير=وارغموا كسرى يسلم مجبرا
وجا صلاح الدين والأقصى كدير=ورجع الأقصى نظيف مطهرا
ودولة التوحيد فالقرن الأخير=ردها عبد العزيز مظفرا
ضمها عن كل شرٍ مستطير=واحتماها فوق بكره وعشرا
يا وطن تستاهلي كلمة أمير="فوق هام السحب يا أغلى ثرى"
من تفانا للوطن يبشر بخير=ومن عمل مثقال من شرٍ يرا
عن صلاح الدين حدث يا مشير=الذمم صارت تباع وتشترى
واشرح النا ويش تقرير المصير=والمكارم والمحارم فالعرا
وكيف نعجز عن يهوديٍ حقير=امس جايك نايرٍ من هتلرا
بعد ظهر العز لا نركب حمير=وخيلنا لسباق ديربي تنشرا
النظام وعارفينه يا مدير=شرب شاهي والسرا يردف سرا
وابن يعرب بالعراوي يستدير =فوق هام الطعس والجركل ورا[/poem]


وسلامتكم

ِ

https://twitter.com/amerammar5

ِ