[poem=font="Simplified Arabic,4,white,normal,normal" bkcolor="transparent" bkimage="backgrounds/21.gif" border="none,4,burlywood" type=0 line=1 align=center use=ex num="0,black"]
هيه ياللّي تحسبنّ الناس تجهل كل مله = واجب الرجال يازن قبل لا ينطق كلامه

لا تقول أنّ الكرم تبذير لله ثم لله = من يقول انّ الكرم تبذير ما ناخذ نظامه

الكرم طبع الرجال اهل الوجيه المسفهلّه = النشاما اللي لهم فالطيب عادات وعلامه

والكرم رمزه هلا واقلط على فنجال دلّه = مع تراحيب الرجال اهل المروّة والشهامه

وعودٍ ازرق فالمجالس يشرح البال ويفلّه = وقلّط الكبش السمين ومرحبا عزّ وكرامه

واقلطوا حياكم الله ترفع الرجل وتجلّه = والكرم لاهل الكرم يوم الردى لاهل الرخامه

وعادة الطيّب كريم النفس في نفسه جبلّه = يوم ابوه مجوّد اصله من خوال ومن عمامه

بيّض الله وجه من كرّم ضيوفه في محلّه = والكرم تاجٍ على راسه ويفخر في وسامه

والردي في مثبره يامسندي خله لعلّه = لا يقوم ولا يطيح ولا تغطّيه العمامه

وخير منها كلّبوها ياجماعة طاعة الله = طاعة الله غاية المطلب وهي راس السلامة

والسموحة كان جا فالقاف ياالحضّار زلّة = شاعرٍ بالقاف عبّر حسب عرفه وافتهامه[/poem]