عناد النفيعي

هيه ياللّي تحسبنّ الناس تجهـل كـل ملـه
واجب الرجال يازن قبل لا ينطـق كلامـه

لا تقـول أنّ الكـرم تبـذيـر لله ثــم لله
من يقول انّ الكرم تبذير ما ناخـذ نظامـه

الكرم طبع الرجال اهل الوجيـه المسفهلّـه
النشاما اللي لهم فالطيب عـادات وعلامـه

والكرم رمزه هلا واقلط على فنجـال دلّـه
مع تراحيب الرجال اهل المروّة والشهامـه

وعودٍ ازرق فالمجالس يشرح البال ويفلّـه
وقلّط الكبش السمين ومرحبا عـزّ وكرامـه

واقلطوا حياكم الله ترفـع الرجـل وتجلّـه
والكرم لاهل الكرم يوم الردى لاهل الرخامه

وعادة الطيّب كريم النفس في نفسـه جبلّـه
يوم ابوه مجوّد اصله من خوال ومن عمامه

بيّض الله وجه من كرّم ضيوفه في محلّـه
والكرم تاجٍ على راسه ويفخر في وسامـه

والردي في مثبـره يامسنـدي خلـه لعلّـه
لا يقوم ولا يطيـح ولا تغطّيـه العمامـه

وخير منها كلّبوهـا ياجماعـة طاعـة الله
طاعة الله غاية المطلب وهي راس السلامة

والسموحة كان جا فالقاف ياالحضّار زلّـة
شاعرٍ بالقاف عبّر حسب عرفـه وافتهامـه



والله ان كلها على بعض عود ٍ ازرق ..

ومحشوم عن الزلة يامحمد محشوم ..


وخير منها كلّبوهـا ياجماعـة طاعـة الله
طاعة الله غاية المطلب وهي راس السلامة

وعز الله ان هالبيت .. ومضمونه خير من الدنيا ومافيها ..


سلامي عليكـ .. واعجابي ..

.




ss15s1@hotmail.com