[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
دام هذا الدرب جيته بإختياري= ليش ألوم الوقت وأستسخف سنيني
كلما سجيت تطريلي طواري= ولاتنبهتك .. وإلاك تعيش فيني
بس ليتك عاد تشعر بإنكساري= يوم باحت دمعتيني في كنيني
يوم ضاقت فيّ هليت العباري= ويوم هلت طاح عمري من يديني
بس أحياناً أنا أشعر بإنتصاري=كلما ضقت .. وتملت فيك عيني
صاحبي مليت من طول إنتظاري= والشقا بالموت الأحمر منتويني
لليال السود في صدري مواري= سرمدياتٍ تعلّم في جبيني
صاحبي والوقت لي والدار داري= كيف تتجرأهالألسن وتحكيني
ليش تثعا بالخناجر في نهاري= ليش تدميني وهي بيني وبيني
ليش يرضا الوقت في ذل إنحداري=ليش يرضا الوقت في عاقة يميني
جيتك بإحساس ماهوب إستعاري= فاقده هالعمر ..وأغلا والديني
جيتك بتكفا عن سنين العزاري=جيت تكفا من عنا الوقت تحميني
جيت أبشكيلك وأبي رد إعتباري= من سنينٍ للغرابيل تحديني
للطعون الحمر في صدري شواري=ماتوسد فالليال إلا ونيني
صاحبي..أسرفت شكوا..وإعتذاري= وأقصر الموضوع ذا في كلمتيني
والله إني فيك أشعر بإنتصاري= كلما ضقت وتملت فيك عيني[/poem]

والله إني قدها قول وفعايل
.. .. .. والقصايد مالها إلا بنت أبوها