عبدربه

ياسلام يادكتور

صرف ذهب وقصيده عالميه كالعاده

تضرب سياط القلوب كما يشاع ..


لاعدمتك وبس

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من ليلة البارح وحابسني الضيق=عسى صباح اليوم يطلق سراحي

.

وعادت لي الضيقه على فكـّة الريق=الله يهوّنها ويسعد صباحي

.

لا قمت ادرّجها على قد ما اطيق=تغانمتني من جميع النواحي

.

بيني وبين الغرغره والتشاهيق=ارماش عين وجلسة ٍ وإنسداحي


.

لاشك يومي عند رب المخاليق=اللي بذكره بهجتي وإنشراحي

.

مانيب وارث غاليات الصناديق=وخزاين آل سعود وآل الصباحي !

.

أن عشت .. عشت مع الرجال المطاليق=وأن مت .. موتي حق والعمر ماحي

.

هبت هموم الصدر جمله وتفريق=وأزريت أعرّضها هبوب الرياحي

.

ما عذّب الشعّار غير الطواريق=كل ٍ تعلّق فوق قرن الوضاحي

.

موّثقه ماعاد تحتاج توثيق=وانا قنعت وخاطري ما استراحي

.

وشاح خملوقه .. على ام الخماليق=اللي تشوفونه عليّه وشاحي !

.

أغيب من فيض المحبيّن وافيق=وآخذ بلا منهّ شهادة نجاحي

.

والعولمه تفتح قفول ٍ مغاليق=وهذا زمان الفتح والإنفتاحي

.

ماجيتها ناكر وملحد وزنديق=أعرف صلاح الدين وأعرف صلاحي

.

لكنّ يا شاهق بروس الشواهيق=دحــدر على ماجاك وأسرح وتاحي

.

والحرّ لو يرضى بحكم المسابيق=شاب ونبت له في جناحه جناحي

.

ويزيد غبنه من فروخ الغرانيق=لا صنّــفوها من طيور الفلاحي

.

رميت في وجه اللئيم المواثيق=وطلبت من وجه الكريم السماحي

.

ودوّنت في قسم المجانين تعليق=من يشتم المجنون ماهوب صاحي [/poem]

سنين العمر مقفيةٍ مطاياها
بعضها راح في عقل وبعضها غي!

ماغير ابحث عن الحكمة ولا القاها
والاول ماترك للي خلافه شيء✋
.....

....

...

..

.