..
بين الصباح ولهفتـي والمسافـه
الملم اوراقـي علـى جيّـة العيـد
وبين الخطر ومصافحـه للمخافـه
يشدّني عزمي وانـا قاطـع البيـد
حتى سرح لحني على صوت قافـه
وغنيت في معنىً صدى صوته بعيد
صوتٍ من الذكرى يسيّـر مطافـه
وامشي على حيده وبرّح له الحيـد
مـره يريِّحنـي واحـب اكتنافـه
واشب له في داخل الصدر تنهيـد
ومـره يلوِّمنـي والـوم اختلافـه
وارميه من صدري على لعنة السِّيد
أهلّ لوعات الهـدب مـن ضفافـه
ويزيد في اللوعة وانا ازيد واعيـد
وان جرّمن صدري كثير الحسافـه
ماينهزم له داخلـي غيـر ماريـد
ودام الزمان بقسوتـه وانحرافـه
يطيح للكايـد مـن يغـرّه الكيـد
كف الضعيـف تناولـه بالضعافـه
وكف الجويـد تـورّده للمواريـد
والعـز قـوت محرميـن اللقافـه
والذل جود الخبل من قلـة الفيـد
والعدل ميـزان العقـل واحترافـه
والظلـم معـدال الـردى للمناقيـد
والطيب ظـلٍ يسْتـراح بـمنافـه
والحَرّ والشـرْ والقشـرْ للتناكيـد
واللي خطامه رابطـه فـي خلافـه
ماينحزم عند الصناديـد لـه قيـد
وفرش النذل لو شيل حقده لحافـه
يخفيه لو قدر الغدر عنـده يزيـد
ولو خطوتي ساقت علـي التوافـه
تدوسها رجلي وانا اطارد الصيـد
والحق سيفْ ولمعته في انتصافـه
وانا على الحق اعتقد قابض الايـد
الواجب اللي تبسطـه فـالضيافـه
إن ماقنع به زيد يرضى به عبيـد
هذا صدى صوتي وبعض اعترافه
يومي على سوق القدم قاطع البيـد
والدّ مـن بعـد النظـر للمسافـه
واقرّب لعيني فـرح جيّـت العيـد
..
موهبه أصيله من شاعر علم
شكرا الشاعر الكبيرمحمد السواط على ذا القصيده الرائعه قصيده من شاعر نستفيد من متابعته وغني عن التعريف
تقبل تحياتي وتقديري
أخوك حسين الدوسري
|