يشهد عليه إصدار وإصدار وإصدار
ولا همّه اللـي عقبهـا يجحدونـه
.
.
ولاهو لحاله بين وافيـن الأشبـار
ترفـرف الأعـلام خلفـه ودونـه
.
.
والحق يظهر يا طويليـن الأعمـار
لو بعضكم مـا ودّهـم يظهرونـه
.
.
اللي يغـط النـور خايـن وغـدّار
يضحك وراسه ناشبٍ فـي متونـه
.
.
بالسمن يدهن لحية ٍ مالهـا كـار
وان جات شمطا لا تروح أمحسونه
.
.
هذا الكلام المعتمـد سـرّ وإجهـار
من خاطر اللي هاجسه ما يخونـه
.
.
يا كاتب الموضوع فـأهم الأخبـار
أكتب عن المرقـاب مالـه نمونـه
عزالله العزيز انك ماظلمت حظك ياسداح
والمرقاب عزيز بعزة وروعة الرجال اللي فيهم خير مثلك وشرواك.....
و انت ياحبيبي سداح ما انت محتاج الاطراء ولا الشهاده مني ولا من غيري لانك ماخذها ذراعيه
باقي شي واحد لازم اقووله
صح الله السانك ياشغموم
ودعتك الله
|