السـلام عليكم ورحمّة الله وبركاته


[poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تواترت عنّك اخبار .. وعزمت القصيد=في حفل تأبين .. ابو تمام والبحتري


اسدلت عنك الستار .. المخملي من جديد=قدمتك بكلمتين .. وقلت وش تحتري ؟


مايحتويك إنتظار .. ولايجاريك عيد=يانفحة الياسمين .. اشتاق لك منبري


واقبلت مثل النهار .. وجعل عمرك مديد=اهديتني نجمتين .. وكوكب المشتري


لولا هداياك صار .. الشعر طفل بليد=يامختزل مبدعين .. الشعر في دفتري


البارحه فوق نار .. الحزن ذاب الجليد=لين انصهرتك حنين .. وراح لك اكثري


ماضمني لامدار .. ولا احتواني بريد=جيتك وبي دمعتين .. ضاقت بمحجري


الشوق ماله مسار .. وسكةٍ من حديد=لامرني قلت وين .. اهيم ؟ قال اصبري


واستاقني في إطار .. الحب باسه شديد=ورجعت بالله يعين .. ولا اتهم الله بري


في كل يوم احتضار .. وكل ليله شهيد=ياما حصدت الانين .. بحكمك العنصري


فترة غيابك حصار .. ايامها من وعيد=ومشاهدك نخلتين .. طلعهن سكري


ياللي عيونك مزار .. ونظرتينك صعيد=محبتك فرض عين .. وشوفتك تنشري


خلك معي يافنار .. الروح مسك الوريد=البعد جنبه متين .. وعظم صبري طري


وسلامتكم[/poem]